Медиа орталық

Алматы облысы

Қазақстандық инвестор Алматы облысында итальяндық ірімшік өндірісін жолға қояды

Қазақстандық инвестор Алматы облысында итальяндық ірімшік өндірісін жолға қояды

«Ақсұт LLC» ЖШС компаниясының қазақстандық инвесторлары Алматы облысында итальяндық ірімшіктерді шығаруды жоспарлап отыр. Өндіріс Нидерландтық Голштино-фризкалық тұқымды 1200 бас ірі қара малы бар сүт фермасының негізінде ұйымдастырылады.

Бизнесмендердің айтуынша, ферма күн сайын 15 тоннаға дейін сүт өндіреді, ал жобалық қуаттылыққа шығумен көлемі 30 тоннаға дейін артады. Компания жоғары сапалы сүт өндіреді және өнімді "Dannon" ЖШС зауытына өткізеді.

"Ғылым, мал азығын өндіру, ветеринария және асыл тұқымды табынды өсіру жөніндегі даму институттарымен ынтымақтастық компанияның өндіріс қалдықтарын қайта өңдеу және кәдеге жарату, сүт өндіру процесін ғылыми негізде қадағалау, малды күту, асыл тұқымды мал басының репродукциясы, ветеринарлық бақылау бойынша перспективалық жобаларды дамытуға мүмкіндік береді. Бұл сондай-ақ ірімшік өндіру бойынша жаңа жобаны жүзеге асыруға көмектесті", - деп атап өтті компания басшысы Елжас Сембай.

Компания жоғары технологиялық итальяндық жабдықтарда ірімшік өндіру бойынша жаңа инвестициялық жобаны іске асыруды жоспарлап отыр. Мамандардың айтуынша, бұл жабдық дәстүрлі итальяндық "Моцарелла", "Азиаго", "Рикотта", "Качетта" және "Grana Padano Пармезан" сияқты жұмсақ және қатты ірімшіктерді шығаруға мүмкіндік береді.

Нысанды осы жылдың соңына дейін пайдалануға беру жоспарлануда. Жобаның құны 700 млн теңгені құрайды, бұл қосымша 10 жұмыс орнын ашуға мүмкіндік береді.

Инвестордың айтуынша, бұл жобаны жүзеге асыру өндіріс циклін тұйықтауға мүмкіндік береді. Осылайша, өзінің ауыспалы егіс айналымында 2500 мың га ауыл шаруашылығы алқаптары бола отырып, компания өз жемін дайындайды, ал жоғары технологиялық жабдықтар сүт өндіру процесін автоматтандыруға және бақылауға мүмкіндік береді.

Қолданбасын орнатыңыз:
1) Ашыңыз сайты Safari
2) сақтау Түймешігін түртіңіз
3) Қосу экран үйге